Bular "Mashal" akademiyasi tarbiyalanuvchilaridir

Har bir ota ona o'z farzandini dunyoga kelganida uning kamolini ko'rishni, bergan talimini oqlashini va u bilan faxrlanishni istaydi. Bugungi kunda "Mashal" PFK ham bir olam g'urur va faxrga to'lgan. O'z vaqtida klubimizda futbol sir-asrorlarini o'rgangan yosh futbolchilar bugun O'zbekiston nomidan maydonga tushmoqda. Ular qaysi klubda bo'lmasin va qaerda o'ynamasin , ular hamisha klubning faxri va g'ururi bo'lib keladi.

Ikki kun oldin Mirjalol Qosimov O'zbekiston Milliy terma jamoasini tarkibi elon qildi. Ushbu tarkibga nazar solsak faqatgina Zohir Qo'ziboev "Mashal" klubidan jalb etilgan. Zohir garchi futboldagi dastlabki talimini klub akademiyasi olmagan bo'lsa ham , aynan jamoaning hozirgi bosh murabbiyi Aleksandr Xomyakovning mehnati natijasida shu darajaga etib bormoqda. Xomyakov Qo'ziboevni birinchi ligadan o'z klubiga qo'shib oldi va Oliy ligada murabbiy uslubiga xos futbolchi sifatida maydonga qo'ydi. Zohir murabbiyning ishonchini oqladi va debyut mavsumidayoq to'purarlar qatoriga kirishni uddaladi. Xomyakov esa o'z navbatida O'zbekiston Milliy terma jamoasiga munosib futbolchini etishtirib berdi.

Tarkibda nafaqat Qo'ziboev bilan, balki bir necha yillar futbol sirlarini aynan "Mashal" akademiyasida o'rganib, futbolga dastlabki qadamini maktabimizda bosgan va bugun O'zbekiston nomidan maydonga tushishga shaylanayotgan Fozil Musaev, Lutfulla To'raev, Eldor Suyunov, Farrux Sayfievlar hamisha klubning faxri va g'ururidir. Terma jamoaga munosib nomlarni chiqirib bergan "Mashal" , bugun Germaniyaga qarshi maydonga tushishi mumkin bo'lgan Eldor SHomurodov va Otabek SHukurovlarni o'z akademiyasidan chiqib berdi. Yuqoridagi nomlari qayd etilgan har bir futbolchi qaysi klub sharafini himoya qilishidan qatiy nazar bizga o'zgacha iftixor bag'ishlaydi.

Mehnatini samarasini ko'rgan ota-onadek, bugun voyaga etgan va futbolda o'z o'rnini topgan futbolchilar klub uchun hamisha o'z farzandidek bo'lib qoladi.

Humoyun Davurov