Bugun Rashidov va Rahmatullaev yangi klublari safida debyut qilishlari mumkin

Yozda Qatarning "Al Jayish" klubiga ko'chib o'tgan Sardor Rashidov bugun Qatar yulduzlar ligasida ilk uchrashuvini o'tkazishi mumkin. Kuni kecha start olgan yangi mavsumdagi dastlabki o'yinni "Jayish" aynan bugun o'z maydonida "Al Ahli" klubiga qarshi bahs bilan boshlaydi. Sabri Lyamushi boshchilik qilayotgan "Al Jayish"ning o'yini Toshkent vaqti bilan soat 22:15da start oladi.

O'tgan haftada "Navbahor"dan Ozarboyjonning "Ravan" klubiga o'tgan Alibobo Rahmatullaev ham bugun o'zining yangi klubida debyut qilishi mumkin. Bugun "Ravan" klubi Ozarboyjon chempionatining 4-turi doirasida o'z uyida Bokuning "Neftchi" klubini qabul qiladi. Bahs Toshkent vaqti bilan soat 21:00da boshlanadi. Hozirgacha bo'lib o'tgan 3ta o'yinda "Ravan" 2ta durang va 1 mag'lubiyat qayd etgan.