Bugun Qo'qonda katta futbol

SHu jumladan, Qo'qondagi “Markaziy” o'yingohda ham chempionatning ochilish uchrashuvi o'tkaziladi. Murod Ismoilov shogirdlarining birinchi raqibi – liga debyutanti Toshkentning “Obod” jamoasi bo'ladi. Mazkur uchrashuvga doir malumotlar bilan tanishing:

Raqib haqida qisqacha malumot

“Obod” jamoasi 2013 yilda tashkil topgan. O'sha yili jamoa ikkinchi liga bahslarida ishtirok etdi va dastlabki mavsumdayoq birinchi ligada o'ynash huquqini qo'lga kiritdi.

Birinchi ligadagi debyut mavsumi – 2014 yilda jamoa uchinchi o'rinni egalladi.

Nihoyat, o'tgan yili “Obod” quyi ligada birinchi o'rinni band etib, kuchlilar safiga qo'shildi. Jamoa oliy ligaga yo'l olgach, “Jar” stadionini ijaraga oldi. Bungacha esa “Obod” o'zining stadionida o'yinlarni o'tkayotgan edi. Bu o'yingoh esa atigi 800 nafar muxlisga mo'ljallangan edi.

Oliy ligaga chiqqach, jamoa o'z tarkibini kuchaytirishga harakat qildi. Mavsum oldidan “Obod” safiga taniqli hujumchi Pavel Solomin kelib qo'shildi. Bundan tashqari, Sanjar To'raqulov, Alisher Azizov va Ilhom Komilov kabi mahoratli o'yinchilar ham 2016 yilda “Obod” sharafini himoya qilishadi.

Ilhom Komilov 2015 yilgi mavsumning ikkinchi qismini aynan “Qo'qon-1912” jamoasi safida o'tkazgandi. Qolaversa, bu futbolchi qishki yig'inlar chog'ida jamoamiz ko'rigida bo'ldi. SHuningdek, qishki yig'inda Sanjar To'raqulov ham jamoamizda ko'rikdan o'tdi.

Jamoani SHavkat Abduxo'jaev bosh murabbiy sifatida boshqarib boradi. Unga Bobur Zuhriddinov, Jafar Irismetov va Xayrulla Abdievlar yordam berishadi.

Yo'qotishlar
Bugungi o'yinni jamoamiz etakchisi Nosir Otaqo'ziev diskvalifikaciya tufayli o'tkazib yuboradi. Xabaringiz bor, o'tgan yili “So'g'diyona”ga qarshi kechgan o'yindan so'ng PFL tartib intizom qo'mitasi Otaqo'zievni ikkita uchrashuvda qatnasha olmasligini malum qilgandi.

Hakamlar
“Qo'qon-1912” – “Obod” uchrashuviga Ilgiz Tantashev boshchiligidagi hakamlar tayinlandi. O'yin nazoratchisi Igor Nexochin.

Oliy liga
1-tur. 5 mart (shanba)
Qo'qon-1912 (Qo'qon) – Obod (Toshkent)
Hakamlar:  I. Tantashev (Buxoro), R. Serazetdinov (Toshkent), R. SHoyaxmetov (Toshkent), I. Xudoydotov (Toshkent)
Nazoratchi:  I. Nexochin (Namangan).
O'zPFL vakili: V. Lyotkin.

Uchrashuv bugun soat 16:00da boshlanadi. Barcha muxlislarni stadionga chorlab qolamiz.