Bu qiziq. “Metallurg” – “Nasaf” uchrashuvida yana Zokir Qodirov ishlaydi

Ushbu uchrashuv Bekobodda “O'zbekiston Respublikasi tog' va metallurgiya sanoati ishchisi kuni” keng nishonlanishi munosabati bilan 16 may kuniga ko'chirilgandi.

Mazkur uchrashuvni navoiylik Zokir Qodirov boshchiligidagi hakamlar brigadasi boshqarib borishi malum bo'ldi. Unga qanotlarda poytaxtlik Ravil SHoyaxmetov hamda Nabijon Ro'zievlar yordam berishadi. O'rinbosarlar uchrashuvida bosh hakam bo'lib ishlagan Rustam Lutfulin esa asosiy tarkiblar o'yinida zahira hakami vazifasini bajaradi.

SHu o'rinda uchrashuv bosh hakami Zokir Qodirov o'tgan mavsum madanchilarning “Nasaf”ga qarshi o'tkazilgan har ikkala uchrashuvida ishlaganligini aytib o'tish lozim. Bu tasoddifmi yoki atayinmi, bilmadik, har holda 2016 yilgi chempionatning “Metallurg” – “Nasaf” birinchi to'qnashuvini ham navoiylik hakam boshqaradigan bo'ldi. yana bir qiziq jihati, o'tgan mavsum tomonlar safar uchrashuvlarida kichik hisobda zafar quchishgandi. Qarshida uchrashuvning 5-daqiqasida Ayubxon No'monov tomonidan kiritilgan gol o'yin taqdirini hal etgan bo'lsa, Bekoboddagi o'yinda Artur Gevorkyanning goli yagonaligicha qolgandi. Bundan tashqari Zokir Qodirov 2015 yilgi mavsumda “Metallurg”ning 1-turdagi “Lokomotiv”ga (0:0) qarshi va 30-turida “SHo'rtan”ga (1:0) qarshi kechgan uchrashuvlarida ham faoliyat yuritgan.

 
16 may (dushanba)
Metallurg (Bekobod) – Nasaf (Qarshi)
Hakamlar: Z. Qodirov (Navoiy), R. SHoyaxmetov (Toshkent), N. Ro'zimov (Toshkent), R. Lutfulin (Toshkent)
Nazoratchi: R. Serazetdinov (Toshkent).

"Metallurg" matbuot xizmati