Boyan Kalevich: "1500-2000 dollar atrofida maosh olayapman"
20 jan 2014 15:31
Yangiliklar

Boyan Kalevich: "1500-2000 dollar atrofida maosh olayapman"

Bekobodning "Metallurg" hamda Toshkentning "Bunyodkor" jamoalaridagi o'yini bilan o'zbekistonlik futbol ishqibozlariga yaxshi tanish bo'lgan Boyan Kalevich ayni paytda Malta chempionatida to'p tepyapti.

O'tgan yili CHernogoriyaning "Mladost" klubi tarkibida Evropa Ligasida o'ynashga muvaffaq bo'lgan Boyan "Sevilya", "Videoton" hamda "Senica" jamoalariga qarshi maydonga tushgandi. Biz Boyan bilan bog'lanib, ayni paytda qaysi jamoa sharafini himoya qilayotgani bilan qiziqdik.

- Yarim yildirki, Maltaning "Mosta" klubida o'ynayapman. Kecha "Floriana" jamoasini 1:0 hisobida mag'lub etdik. 19-turdan so'ng jamoamiz 29 ochko bilan 5-o'rinda borayapti. Kechagi raqibimiz 8-pog'onadan joy olgan. Turnir jadvalida "Birkirkara" klubi 50 ochko bilan peshqadamlik qilyapti. Kuchlik uchlikdan "Valetta" va "Xaybernians" klublari joy olishgan.

- O'tgan mavsumni CHernogoriya chempionatida boshlab, Evropa ligasida ham o'ynashga ulgurgandingiz. SHuni inobatga olsak, faoliyatingizda pasayish kuzatilibdida?
- Balki. Lekin menga Malta chempionati va qolaversa mamlakatning o'zi ham maqul kelyapti.

- Sir bo'lmasa, bir oylik maoshingiz qancha?
- 1500-2000 dollar atrofida maosh olayapman.

- O'zbekistonga qaytish haqida o'ylamayapsizmi?
- Qarshi bo'lmasdim. Ammo hali hech qanday taklif olmadim.

Kamoliddin Alimov suhbatlashdi.

Havola :

Manba : championat.asia

Yangiliklarni Telegramda o'qing!

Reyting: