Bobur Zuhriddinov: "Derbi qiziqarli kechadi"

Biz bo'lajak o'yin oldidan "Obod" murabbiyi Bobur Zuhriddinovning fikrlari bilan qiziqdik.

"Oq-tepa"ga qarshi kechadigan o'yin qiziqarli va tomoshabop bo'lishiga shubha yo'q, - deb so'z boshladi Bobur. - Sababi bu ikki jamoa o'tgan yil oliy liga yo'llanmasi uchun astoydil kurash olib borishgan va unda omad bizga kulib boqqandi. Vaholanki 2-bosqichda "Oq-tepa" bizni har ikkala o'yinda ham mag'lub etgandi. Biroq ular mana shu ustunlikdan foydalana olishmagandi. SHu bois bugun raqibimiz bizga astoydil qarshilik ko'rsatsa ajablanmayman. Bundan tashqari "Oq-tepa" safida o'tgan mavsumlarda "Obod"da o'ynagan uch nafar futbolchi harakat qilmoqda. Bu ham o'yinga bo'lgan intirigani oshiradi, deb o'ylayman.

- Raqib jamoada bosh murabbiy o'zgardi. Bu "Oq-tepa" o'yiniga qanday tasir qiladi deb o'ylaysiz?
- Bu borada bir narsa deyishim qiyin. Malumki har gal murabbiyning o'zgarishi jamoa o'yiniga o'z tasirini ko'rsatmasdan qolmaydi. SHunday ekan bu hol "Oq-tepa"ning ham o'yin uslubiga tasir qilishi tabiiy. Qolganini maydonda ko'ramiz.

- Kubok bahslarida jamoa oldiga qanday vazifa qo'yilgan?
- Biz har bir o'yinda maydonga faqat g'alaba uchun tushamiz va imkon qadar uzoqroqqa bormoqchimiz.