Boateng: "Futbol - bu biznes, biz esa shu biznesdagi oddiy raqamlarmiz holos"

"Pullar - futbolning kushandasi. Futbol - bu biznes, biz esa ushbu biznesdagi oddiy raqamlarmiz holos. Sog'lig'ing yaxshi emasmi, tezda almashtirasan va hech kimga kerak bo'lmaysan. Pulning ortidan futboldagi sadoqat yo'qoldi. Jamoalarga borib, u erlarda baxtli futbolchilarni topish juda qiyin.

Albatta, bu professionallar ishi. Buning ortidan milliardlab foyda ko'rishadi. SHu boisdan bunday holatlarni matbuot yoritishni yaxshi ko'radi.

Yosh futbolchilarning iqtidorini sindirishayotganini ko'rish ham juda og'ir. Ayrim 19 yoshli futbolchilar "Mersedes"da yurishadi va katta oylik olib, o'zlarini baxtli his qilishadi. Biroq ular maydonda hech nima qilishmayapti. Ular shunchaki pleysteyshn o'ynab, instagramga rasmini qo'yib kunlarini o'tkazishmoqda. Pul esa o'zidan o'zi kelmoqda. Bunday holatda iqtidor ham odamni tashlab ketadi", - dedi Boateng.