Birinchi ligaga qura tashlandi. Dastlabki turda uchta vodiy derbisi bo'ladi

Joriy mavsum Birinchi ligada 26 ta jamoa ishtirok etadi va ular mamlakat geografiyasidan kelib chiqib, ikki mintaqaga ajratib olinadi. SHarqiy mintaqani vodiy va Toshkent jamoalari to'ldirdi. Sirdaryodan boshlab janubiy va g'arbiy sarhadlar jamoalari ikkinchi mintaqadan joy olgan.

Har ikki mintaqa jamoalari uy-safar tizimida umumiy hisobda 24 tadan o'yin o'tkazadi. Yakunda eng kuchli to'rttadan umumiy 8 ta jamoa pley-off bosqichiga yo'l oladi. Markazlashgan tartibda o'tkaziladigan pley-off orqali musobaqa g'olibi nomiga oydinlik kiritiladi.

1-turda SHarq mintaqasida bir yo'la uchta vodiy derbisi bo'lib o'tadi. Namangan FA - "Cementchi", Farg'ona FA - "Turon" va "Navbahor-Farm" - Andijon FA. 

Ikkala mintaqada jamoalar soni toq bo'lgani bois "Lokomotiv-BFK" va BuxDU klublari ilk turda dam olishadi.

Dastlabki turning barcha juftliklari bilan tanishing.