Birinchi liga. Mavsumning eng yaxshi yosh o'yinchisi: Temur Tolipov!

Buni qanchalik amalladik, munosib bahoni o'quvchilar berishadi. Lekin har bir klub rasmiylaridan buning uchun alohida minnatdorchilik eshitib keldik.

Ortda qolgan mavsum-2014da birinchi liga uchrashuvlarini saytimizda yoritib borilishida asosiy ishni bajargan  4 nafar xodimimiz turli nominaciyalar bo'yicha eng yaxshilarni aniqladi.

Xususan joriy mavsum birinchi liga o'yinlarida har tomonlama o'zini ko'rsata olgan “Eng yaxshi yosh o'yinchi” nominaciyasida Temur Tolipov g'olib chiqdi. Birinchi bosqichda “NBU-Osiyo” ro'yxatidan o'tgan 19 yoshli futbolchi ikkinchi bosqichda “Paxtakor-2”ga qaytdi. 5-turda “Paxtakor-2” - “G'allakor-Avtomobilchi”  o'yinini eslang-a? Tolipov mazkur uchrashuvda raqib darvozasiga naqd 6ta (!) to'p kiritib, o'ziga xos shov-shuv uyg'otgani haligacha muxlislar yodidan ko'tarilmagan bo'lsa kerak.

Mavsum mobaynida jami 11ta gol kiritgan Temur ushbu nominaciyada 15 ball to'plab, qolgan 4 nafar o'yinchini ortda qoldirdi.  

Mavsumning eng yaxshi yosh o'yinchisi:
Temur Tolipov (“Paxtakor-2”) - 15
Jamshid Hoshimov (“SHo'rtan”) - 14
SHokir Yuldashev (“Mashal-2”) - 12
Doston Nurullaev (“Zomin”) - 11
Salohiddin Salohiddinov (“UzDongJu”) - 8