Birinchi liga. Mavsumning eng yaxshi darvozaboni: Eldor Tojiboev!

Buni qanchalik amalladik, munosib bahoni o'quvchilar berishadi. Lekin har bir klub rasmiylaridan buning uchun alohida minnatdorchilik eshitib keldik.

Ortda qolgan mavsum-2014da birinchi liga uchrashuvlarini saytimizda yoritib borilishida asosiy ishni bajargan  4 nafar xodimimiz turli nominaciyalar bo'yicha eng yaxshilarni aniqladi.

Xususan joriy mavsumning eng yaxshi darvozaboni deb Eldor Tojiboev topildi. Etiborlisi ushbu nominaciyada ham “SHo'rtan” azosi g'olib bo'ldi. CHindan ham Tojiboev mavsumni yuqori saviyada o'tkazdi. Deyarli barcha uchrashuvda murabbiylar unga ishonch bildirgani ham so'zimizni tasdiqlasa ajab emas. 28 yoshli posbon bilan suhbatlashganimizda joriy mavsum birinchi ligada o'ynab, kelasi bu orqali oliy ligaga qaytmoqchi ekanligini, muhimi o'yin amaliyoti bo'lishini takidlab o'tgandi. Ajab emaski, Eldor kelasi yil ham elitada “SHo'rtan”ning birinchi raqamli posboniga aylansa.

Eng yaxshi darvozabon:
Eldor Tojiboev (“SHo'rtan”) - 20
Andrey Baklanov (“Qo'qon-1912”) - 14
Bekzod Omonullaev (“Obod”) - 11  
Husan Olimjonov (“Mashal-2”) - 11
Asilbek Omonov (“Oq-tepa”) - 4