Birinchi liga. Kichik tumanning kichik jamoasi “Alanga” haqida
06 avg 2014 16:02
Yangiliklar

Birinchi liga. Kichik tumanning kichik jamoasi “Alanga” haqida

“G'arb” mintaqasi ishtirokchisi “Alanga” har mavsum o'z oldiga yuqori maqsad qo'ymaydigan jamoalardan biri sanaladi.

Asosan tumanda futbol klubi bo'lishi uchun va mahalliy yoshlarni viloyatning asosiy jamoalariga etkazib berish maqsadida ishlaydigan klub. Kosonliklar o'tgan mavsum ikkinchi bosqich yo'llanmasini qo'lga kirita olmay, yarim yo'lda qolib ketgandi. Moddiy jihatdan juda ham qiyin xolatga tushib qolgan jamoadan keyingi bosqichga chiqishni talab qilish ham noo'rin edi.

Bu yil esa jamoa har xolda nisbatan yaxshi ishtirok etmoqda. Boshqaruv postiga Anvar O'rinov kelgach, tarkibda ham o'ziga yarasha o'zgarishlar kuzatildi. Bosh murabbiyga yaqin o'tmishning mohir himoyachilaridan bir bo'lgan sobiq futbolchi Nasim SHoimov yordam bermoqda. Ushbu tandem bu yil “Alanga”ni nisbatan ijobiy tomonga o'zgartira oldi. Lekin kamchiliklari ham bisyor.

Birinchi bosqichda o'tkazilgan 22ta o'yinning 8tasida g'alaba qozonib, 1ta uchrashuvda texnik g'alabaga erishdi. 3ta uchrashuvda kosonliklar durang qayd etgan. Qolgan 10ta o'yinda raqibilariga imkoniyatni boy bergan.

Birinchi bosqichda “Alanga” sharafini himoya qilgan yoshi katta futbolchi Fahriddin Xolmurodov bo'ldi, 28 yosh.
Aksincha eng yosh futbolchi Javohir Abdunazarov bo'ldi, 19 yosh.

Jamoa safida to'purarlik qilgan futbolchi Javohir Ashurov bo'ldi. 22 yoshli futbolchi birinchi bosqichda o'z hisobiga 9ta gol yozdirib qo'ydi.

Futbolchi	Gol	Pen.
Javohir Ashurov	9	(2)
Oybek Polvonov	5
Abror Yoriev	4
Suhrob Ismatov	4
Asliddin Lutfullaev	3	(1)
Jasur Halimov	1
Jonimbek Qoraev	1
Zuhriddin Kamolov	1
Obid Mamatov	1
Sarvar Xolmurodov	1
Tohir Abdurazzokov	1
Adxam Normuhamedov	1	(1)

Quyida jamoaning birinchi bosqichda qayd etgan natijasi bilan batafsil tanishish imkoniyatiga ega bo'lasiz.

O'yinlar	21
Gollar	33
Uyda	23 (69,7%)
Safarda	10 (30,3%)
O'tkazib yuborilgan gollar	41
Uyda	20 (48,78%)
Safarda	21 (51,22%)
O'rtacha urilgan gollar	1,57
O'rtacha o'tkazib yuborilgan gollar	1,95
Uydagi ochkolar	16/33 (48,48 %)
Safardagi to'plangan ochkolar	11/30 (36,67 %)
Eng yirik g'alaba	6:3 - Gijduvon
Eng yirik mag'lubiyat	0:8 - SHurtan
Gol o'tkazmagan o'yinlar	3 (14,29%)
Gol ura olmagan o'yinlar	4 (19,05%)
Irodali g'alaba	3
Irodali durang	1
Irodasiz mag'lubiyat	2
Irodasiz durang	1
Yirik g'alaba	2
Yirik mag'lubiyat	1
Avtogol (urilgan/o'tkazib yuborilgan)	1/0
Ogohlantirish (o'rtacha)	32 (1,52)
CHetlatish (o'rtacha) – To'g'ridan-to'g'ri/2SK	2 (0,1) - 0/2
Muxlislar (jami/o'rtacha)	27274/1299