Birinchi liga. Bir yonib o'chgan “Xotira-79” haqida
07 avg 2014 11:18
Yangiliklar

Birinchi liga. Bir yonib o'chgan “Xotira-79” haqida

Birinchi ligada bu yil ikkinchi mavsumni o'tkazayotgan “Xotira-79” birinchi bosqichda go'yoki bir yonib, o'chib qolgan alangaga o'xshab ketdi.

Boisi uychiliklar yil boshida oliy ligada o'ynab, uning havosidan bahramand bo'lgan bir qator o'yinchilarni o'z safiga qo'shib olibb, chempionatda juda ham omadli start oldi va hattoki turnir jadvalida peshqadamlik ham qilib yurdi. Biroq tanaffusga qadar tarkibda qandaydir o'zgarishlar bo'lib, jamoaning avvalgi shashti biroz pasaygandek tuyuldi nazarimizda.

Klub rahbariyati garchi jamoa oldiga kuchlilar safiga chiqish vazifasi qo'ymagan bo'lsada, tajribali o'yinchilarni tarkibga jalb etdi. Lochin Dolimov, Sanjar Asqaraliev, Bahrom Yuldashev, Maqsud Hayitov shular jumlasidandir. Endilikda etakchi o'yinchilarning aksariyati jamoa bilan xayrlashganini inobatga olsak, ikkinchi bosqichda “Xotira-79”ga oson bo'lmasligi turgan gap.

Birinchi bosqichda jamoa safida to'purar Islombek Isoqjonov bo'ldi. 21 yoshli hujumchi davralar oralig'ida elita vakili “Olmaliq” bilan shartnoma imzoladi. SHuningdek “Xotira-79” o'z darvozasidan 32ta to'p o'tkazib yuborgan.

Kim qancha gol urdi?

Futbolchi	Gol	pen.
Islombek Isoqjonov	7	(2)
Abdulaziz Sultonov	5
Husan G'aniev	4
Abdulaziz Yusupov	2
Javlon Xolmirzaev	2
Sanjar Asqaraliev	2
Omil Mo'minov	2	(1)
G'ulomjon Otavaliev	1
Maqsud Hayitov	1
SHuhrat Ischanov	1

Quyida jamoaning birinchi bosqichda qayd etgan natijasi bilan batafsil tanishish imkoniyatiga ega bo'lasiz.

O'yinlar	22
Gollar	27
Uyda	16 (59,26%)
Safarda	11 (40,74%)
O'tkazib yuborilgan gollar	32
Uyda	12 (37,5%)
Safarda	20 (62,5%)
O'rtacha urilgan gollar	1,23
O'rtacha o'tkazib yuborilgan gollar	1,45
Uydagi ochkolar	20/33 (60,61 %)
Safardagi to'plangan ochkolar	10/33 (30,3 %)
Eng yirik g'alaba	3:1 – “Istiklol”
Eng yirik mag'lubiyat	1:4 – “Ok-tepa”, “Paxtakor-2”
Gol o'tkazmagan o'yinlar	7 (31,82%)
Gol ura olmagan o'yinlar	5 (22,73%)
Irodali g'alaba	0
Irodali durang	2
Irodasiz mag'lubiyat	3
Irodasiz durang	0
Yirik g'alaba	0
Yirik mag'lubiyat	3
Avtogol (urilgan/o'tkazib yuborilgan)	0/0
Ogohlantirish (o'rtacha)	70 (3,18)
CHetlatish (o'rtacha) – To'g'ridan-to'g'ri/2SK	2 (0,09) - 2/0
Muxlislar (jami/o'rtacha)	36070/1640