Bilasizmi? "So'g'diyona" 10ta turdan so'ng nihoyat g'alaba qozondi

SHunday qilib jizzaxliklar 10ta turdan so'ng yana g'alaba nashidasini surishdi. Bungacha "So'g'diyona" oxirgi marta 14-turda g'alabaga erishgandi. O'shanda jamoa o'z uyida "Buxoro"ni 3:0 hisobida mag'lub etgandi. Mana endi oradan o'nta tur o'tib "So'g'diyona" yana uch ochkoli bo'ldi va eng qizig'i, bu safar ham 3:0 hisobi qayd etildi. Faqat raqib - "Neftchi".

Jamoa 14-turdan so'ng 10ta uchrashuv o'tkazgan bo'lsa, shundan 3tasida durang qayd etdi va 7 bor mag'lubiyatga uchradi. Sergey Lushan shogirdlari navbatdagi turni uyda "Qo'qon-1912"ga qarshi o'tkazishadi. Uchrashuv 19 oktyabr kuni bo'lib o'tadi.