Bilasizmi? "Neftchi" bu yil yangi futbolchilarga ko'tarma puli bermadi

- Bu yil "Neftchi" safiga kelib qo'shilgan Igor Petkovichga 200 million so'm ko'tarma puli berilgani haqida aytilmoqda. SHu va umuman bu yilgi ko'tarma pullari haqida to'xtalib o'tsangiz?

- Darhaqiqat o'sha maqolada shu haqda yozib o'tilgan. Lekin bunga shunday javob berish mumkinki, bu yil tarkibimizga yangi kelib qo'shilgan futbolchilarning birortasiga ko'tarma puli berilmagan. Hattoki xorijlik o'yinchilar uchun ham. Lekin biz futbolchilarga jamoa oldiga qo'yilgan vazifa bajirilsa bonus berishni aytdik.

- Sir emaski mamlakatimizdagi boshqa klublar yangi kelayotgan o'yinchilarga malum miqdorda ko'tarma pullarini berishmoqda. Aytingchi, "Neftchi" klubi tajribali va legioner futbolchilarning olib kelayotganda bu ko'tarma pullarini qanday bekor qildi. Demoqchimanki futbolchilar sizlar vada qilgan bonusga qay tariqa ishonishdi?

- Futbolchilarni jamoaga murabbiylar shtabi taklif etadi. Ularga esa futbol agentlari tavsiya qiladi. Agarda murabbiy mana bu o'yinchi bizga kerak, buning uchun u bilan shartnoma imzolash kerakligini aytsa, rahbar sifatida men o'sha futbolchi bilan shartnoma tuzaman. Yangi o'yinchilarni ko'tarma pulisiz qay tarzda jamoaga olib kelib o'ynatish esa bu klubni ichki siri bo'lishi kerak. Asosiysi klub va futbolchi o'rtasida o'zaro ishonch yuzaga kelgan.

Islombek RUSTAMBEKOV.