Baxtiyor Ashurmatov:"Buxoro" o'nlab golli vaziyatlardan foydalana olmadi"

Uchrashuv yakunlanganidan so'ng har ikkala jamoa bosh murabbiylari jurnalistlarga qisqacha intervyu berishdi.

Dastlab jurnalistlar savollariga mehmonlar ustozi Baxtiyor Ashurmatov javob qaytardi:

- Bugun yutqazishga haqqimiz yo'q edi. "Buxoro" juda kuchli jamoa, bu erda mahoratli murabbiylardan biri ishlamoqda. Biz o'tgan turda o'z maydonimizda "Lokomotiv"ga yutqazganimiz uchun bu o'yinda yutqazishimiz mumkin emas edi. Buxoroga biz faqat g'alaba uchun kelgan edik.
 
O'yin haqida gapiradigan bo'lsam, bahs qiyin kechdi. "Buxoro" jamoasi birinchi bo'limda juda ko'p hujumlar tashkil qildi, o'nlab golli vaziyatlardan foydalana olmadi.

Bugungi o'yinni bitta gol hal qildi. Men o'ylaymanki, biz haqli g'alabaga erishdik. Bugun kelib bizlarni qullab-quvvatlaganlari uchun "Navbahor" muxlislariga rahmat aytaman. Ularni g'alaba bilan tabriklayman!