Baxtiyor Ashurmatov: "Buxoro" va "Surxon"ni o'z maydonida mag'lub eta olmaydigan murabbiydan norozi bo'lishlari aniq"

- Baxtiyor aka, o'yin haqidagi fikrlaringiz qanday?

- Gapning ochig'i, birinchi taymda o'yinni nazorat qildik. Afsuski, ikkinchi bo'limda ustunlikni "Surxon"ga berib qo'ydik. Bo'sh qolgan zonalar yopish, o'yin tizginini o'zgartirish uchun yangi futbolchilarni maydonga tushirdik. Lekin "Surxon" xujumchisi Nimelining individual mahorati sabab raqib penalti ishladi va uni muvvafaqiyatli amalga oshirdi. O'yinga tuzgan rejalarimiz o'xshamadi, ikkinchi bo'limda, ayniqsa.

- Ikkinchi bo'limda tashabbus raqibga  berib qo'yildi. Tanaffusda 1:0 hisobini saqlab qolishga ko'rsatma bergan edingizmi?

- Yo'q, ko'rsatma bermagan edim. 1:0 hisobi har doim qaltis hisoblanadi. SHu sababli, biz ikkinchi golni urishga intilayotgan edik, buning uchun esa pressing qilishimiz kerak edi. Biz ikkinchi taymning 20-daqiqalariga qadar vazifani bajara oldik. O'yin so'ngida esa hisobni saqlab qola olmadik. Bu biz uchun yomon natija, chunki barcha jamoalar o'ziga kela boshladi. SHunday vaziyatlarda murabbiy kasbining qiyinchiliklarini his qildim. Kecha bizni ko'kka ko'tarayotgan insonlar bugun bizni tanqid qilishmoqda, lekin ashaddiy muhlislarimiz bizni qo'llab-quvvatlashda davom etmoqda. Biz keyingi o'yinlarni "Bunyodkor" va "Olimpik"ga qarshi o'tkazamiz. Bu uchrashuvlar biz uchun juda muhim. Men tanqidni to'g'ri qabul qilaman. Biz yaxshi tarkib yig'dik  lekin yaxshi natijaga erisha olmayapmiz. "Buxoro" va "Surxon"ni o'z maydonida mag'lub eta olmaydigan murabbiydan norozi bo'lishlari aniq. Yigitlar borini berib o'ynashmoqda. "Nasaf" va "Surxon"ga qarshi bahslarda faqatgina "Buxoro"ga qarshi uchrashuvda o'yinimiz yaxshi chiqmadi. Muxlislarimiz qo'llab-quvvatlashi bilan natijalarni yaxshilaymiz. "Autsayder" maqomi bizning tarkibga to'g'ri kelmaydi.