"Bavariya" vingeri Ronalduning jamoadoshiga aylanishi mumkin
20 iyu 2023 19:53
Yangiliklar

"Bavariya" vingeri Ronalduning jamoadoshiga aylanishi mumkin

Yozgi transfer oynasida Sadio Mane "Bavariya"ni tark etishi va Saudiya Arabistoniga yo'l olishi mumkin.

31 yoshli senegallik futbolchiga "Al Nassr" jiddiy qiziqish bildirmoqda.

The Athletic nashriga malum bo'lishicha, Mane bilan ishlovchi Roof agentligining Portugaliyadagi vakili "Al Nassr" sport direktori bilan uchrashuv o'tkazgan. Tomonlar futbolchining ehtimoliy transferini muhokama qilishdi.

Avvalroq "Bavariya" bosh murabbiyi Tomas Tuxel Sadio Mane uning ishonchini oqlamaganini ochiqchasiga aytgandi.

Mane “Al Nassr”da Krishtianu Ronalduning jamoadoshiga aylanishi mumkin. Transfermarkt portali senegallik futbolchini 25 million evroga baholamoqda.

Havola :

Manba : The Athletic

Yangiliklarni Telegramda o'qing!

Reyting: