"Bavariya" Dayerni 4 million evro evaziga sotib oladi

Insayder Fabricio Romanoning so'zlariga ko'ra, nemis klubi “Tottenxem” himoyachisi uchun 4 million evro to'laydi. Dayer allaqachon "Bavariya" bilan shaxsiy shartnoma shartlarini kelishib olgan, myunxenliklar bosh murabbiyi Tomas Tuxel esa ingliz futbolchisi bilan muloqot qilgan. Bugun futbolchi Myunxenda tibbiy ko'rikdan o'tadi.

Xabar qilinishicha, "Bavariya"ning joriy transfer oynasidagi navbatdagi maqsadi o'ng qanot himoyachisini qo'lga kiritish hisoblanadi.

Oldinroq "Bavariya" Dayerga 2025 yilgacha shartnoma taklif qilgani haqida xabar berilgandi.