"Barselona"ni ikki futbolchi tark etadi

"Barselona" himoyachisi Markos Alonso (suratda) va yarim himoyachi Serji Roberto mavsum oxirida Kataloniya jamoasini tark etishadi. Bu haqda Sport.es xabar bermoqda.

Futbolchilarning shartnomalari mavsum oxirigacha amal qiladi. Klub rahbariyati ularga yangi bitimlar taklif qilishni rejalashtirmayapti.

Alonso joriy mavsum bor-yo'g'i 7 ta o'yinda qatnashdi. Roberto esa barcha musobaqalarda 14 ta o'yin o'tkazib, 3 ta gol va 1 ta golli uzatma muallifiga aylandi.