"Barselona" "Xetafe" va "Granada" darajasida!

Jamoa Evropaning top-ligasi 96 jamoasi ichida zarbalari golga aylanishi borasida 58-o'rinni egallab turibdi.

Ushbu mavsumda "Barselona" 275 zarba berib, 31 marta gol urdi. SHu orqali Xavi jamoasiga bir gol uchun 8,87 zarba kerak bo'lmoqda. Bunday davriy hisoblashda "Barselona" "Xetafe" va "Granada" (9 zarbada 1 gol) jamoasidan pastroq natija qayd etmoqda.

Bu boradagi eng yomon natija 187 zarbada 9 gol urgan "Klermon"ga tegishli. O'z navbatida Evropaning eng effektiv jamoasi "Jirona" bo'lib turibdi. Ularga bir gol urish uchun 5 zarba kifoya qilmoqda.

Agarda darvozaga yo'llangan aniq zarbalarni inobatga olsak, Xavi jamoasi 40-o'rinni egallab turibdi. Ularga bir gol urish uchun 3,45ta aniq zarba kerak bo'lmoqda. Ispaniyada ulardan ham yaxshiroq natija qayd etayotgan jamoalar bor: "Xetafe" - 1 gol uchun 3,48 zarba va "Betis" - 1 gol uchun 3,32 zarba.

Bu jihatdagi eng yomon natija "Keln"ga tegishli. Ularga bir gol uchun naq 6,5 zarba kerak bo'lmoqda.

Agarda individual natijalarni inobatga olsak, Robert Levandovskiga bir gol uchun 2,62 zarba kerak bo'lmoqda. LaLigada faqatgina Rodrigo (2,67) va Inyaki Uilyams (3,13) kabi futbolchilar undan yuqoriroq ko'rsatkich qayd etgan.

Bu boradagi eng yaxshi natija Jerar Morenoga tegishli. Unga bir gol uchun 1,5 zarba kerak bo'lmoqda.