"Barselona" Villianni sotib olmoqchi, "CHelsi" uni 80 mln. evroga baholadi
03 iyu 2018 17:12
Yangiliklar

"Barselona" Villianni sotib olmoqchi, "CHelsi" uni 80 mln. evroga baholadi

Teglar : Villian

"CHelsi" va Braziliya terma jamoasi yarim himoyachisi Villian yozgi transfer oynasida London klubini tark etib, faoliyatini LaLigada davom ettirishi mumkin.

Malumotlarga ko'ra, futbolchiga "Atletiko"dan Antuan Grizmanni xarid qila olmagan "Barselona" jiddiy qiziqish bildirmoqda.

Villianning o'zi bu transferga yaxshi munosabatda. "CHelsi" o'z futbolchisi bilan xayrlashmoqchi emas va uning narxini 80 mln. evro etib belgiladi, biroq "Barselona" bu narxni katta deb hisoblamoqda, chunki Villian avgustda 30 yoshga to'ladi.

Agar Kataloniya klubi Paulino transferida yaxshi pul ishlab olsa, ular "CHelsi" futbolchi uchun talab qilayotgan pulni to'lashi mumkin. Braziliyalik yarim himoyachiga nomi sir tutilayotgan klub qiziqish bildirmoqda va bu xarid uchun 50 mln. evro sarflashga tayyor.

Oldinroq, Villian xizmatlariga "Manchester Yunayted" qiziqish bildirgan edi.

Havola :

Manba : Mundo Deportivo

Yangiliklarni Telegramda o'qing!

Reyting: +11