"Barsa" do'koni Levandovski familiyasi yozilgan liboslarni sotishni to'xtatdi. Nega?

Gap shundaki, do'konda "W" harfi tugadi.

Levadonvski nihoyat "Barsa" o'yinchisiga aylandi, ammo kataloniyaliklar bunday katta transferning ommalashuv ko'lamini oldindan ko'ra olishmagan ko'rinishadi. Do'kon sotuvchisi unda chop etish uchun maxsus harf qolmaganini aytdi. Levandovski familiyasida lotin tilida ikki "W" borligi sabab, u tezda tugadi.

"Barselona"da hozirda Robertdan tashqari "W" harfi qatnashgan ismli bir futbolchi bor – Martin Breytueyt. Ammo, hujumchining ismi yozilgan futbolka "Barsa" fan-shopiga boradigan muxlislar orasida juda ham mashhur emas.

Levandovskining "Barselona"da hozirda Memfis Depayga tegishli 9-raqamni olishi kutilmoqda.

Robert "Barsa"ga "Bavariya"dan 45 mln evro evaziga o'tdi. Uning kataloniyaliklar bilan shartnomasi to'rt yilga mo'ljallangan.