Bahodir Ahmedov: "Eronga qarshi eng yaxshi o'yinimizni namoyish qilamiz"
08 fev 2018 18:54
Yangiliklar
Bahodir Ahmedov: "Eronga qarshi eng yaxshi o'yinimizni namoyish qilamiz"
Futzal bo'yicha O'zbekiston terma jamoasi bosh murabbiyi Bahodir Ahmedov Vetnamga qarshi (3:1) Osiyo chempionati chorak final o'yinidan keyin o'tkazilgan matbuot anjumanida o'z fikrlarini bildirib o'tdi.
“Turkmanistonda o'tkazilgan Yopiq inshootlardagi Osiyo o'yinlarida ham Vetnamni ikkita to'p farqi (2:0) bilan mag'lub etganmiz. Ammo bugungi o'yin oldidan barchasini unutib, raqibni tahlil qildik va shunga yarasha tayyorlandik. Bugungi o'yin natijasidan mamnunman.
Vetnam yomon o'yin ko'rsatmadi, bizga etarlicha muammolar tug'dirdi. Biz o'z imkoniyatlarimizdan foydalandik, ular esa yo'q. SHu sababli muvaffaqiyatga erishdik. Vetnam futzali ijobiy tomonga o'zgarib, rivojlanmoqda.
Yarim finalda Eron bilan to'qnash kelamiz. Bellashuv oson kechmasligi aniq, ammo biz eng yaxshi o'yinimizni ko'rsatib, finalga yo'l olishga harakat qilamiz”, – dedi Bahodir Ahmedov.
Fikrlar