Azim Ahmedov: "Xatolarim uchun uzr so'rayman"

- Azim, bugungi o'yindagi vaziyatlaringizdan kelib chiqsak, oliy liga va OCHL o'rtasidagi tafovutni yaqqol sezdingizmi?
- Bu musobaqada debyut o'yinimni o'tkazdim, o'zimni o'yinimga qoniqarsiz baho qo'yaman. Oliy liga va OCHL o'rtasidagi farqning kattaligiga maydonga tushgach o'zim yana bir bor amin bo'ldim. Oliy ligada yo'qotilgan ochkolarni keyingi o'yinlarda to'ldirib olishingiz mumkin, bu erda esa yo'q. SHuning uchun bugun yo'l qo'ygan xatolarim uchun muxlislardan uzr so'rayman.

- Mavsum davomida markaziy himoyachi ampulasida to'p tepayotgan edingiz, bugun esa sizni Kaxi Maxaradzega tegishli bo'lgan nuqtada ko'rdik.
- Futbolchi murabbiyning ixtiyoridagi kishi hisoblanadi. Murabbiy qaerdan bizga joy bersa, o'sha nuqtada vazifamizni bajarishimiz kerak. Bugun markaziy himoyada Kamol aka (Tojiev)  va Adnan o'ynadi. Men esa Javohir bilan oldiroqda harakat qildik. Sohibovga o'tkan yili to'plagan tajribasi ish berdi. Hali o'rganishim kerak bo'lgan jihatlar ko'pligi mana shu birgina o'yinda bilindi. Bugungi o'yin men uchun katta maktab bo'ldi, yana bir bor bizga muxlislik qilganlardan uzr so'rayman.