Ayollar o'rtasida OFK U-16 va U-19 OCH saralash o'yinlariga 17 iyun kuni qura tashlanadi

U-16 o'smir qizlar o'rtasidagi OCH saralash bahslarida ishtirok etadigan O'zbekiston U-16 o'smirlar terma jamoasi 17 iyun kuni saralash bahslaridagi raqiblari nomini bilib oladi. Markaziy-Janubiy va G'arbiy Osiyo mintaqasidan o'rin olgan O'zbekiston o'smirlar terma jamoasi 6-12 oktyabr kunlari saralash bahslarida ishtirok etadi. Saralash o'yinlari bo'lib o'tadigan mamlakat nomi keyinroq OFK tomonidan elon qiladi.

Saralash bahslari formatiga ko'ra, Markaziy-Janubiy va G'arbiy Osiyo mintaqasiga kiruvchi 12ta terma jamoa 6tadan ikki guruhga bo'lingan holda saralash bahslarida ishtirok etishadi. Guruh g'oliblari to'g'ridan-to'g'ri OCH final bosqichiga yo'llanmani qo'lga kiritadilar. 2013 yili o'tkazilgan U-16 Osiyo CHempionatida dastlabki to'rt o'rinni egallagan terma jamoa (Yaponiya, KXDR, Xitoy, Tailand), 2015 yilgi Osiyo CHempionati final bosqichiga saralash o'yinlarisiz yo'llanmani qo'lga kiritgan.

Ayollar o'rtasida U-19 OCH saralash bahslarida ishtirok etadigan O'zbekiston terma jamoasi 3-9 noyabr kunlari bo'lib o'tadigan saralash bahslarida ishtirok etadi. Mazkur saralash bahslaridagi raqiblar nomi ham 17 iyun kuni aniqlanadi. Saralash o'yinlari bo'lib o'tadigan mamlakat nomi keyinroq OFK tomonidan elon qiladi.

Saralash bahslari formatiga ko'ra, Markaziy-Janubiy va G'arbiy hamda SHarqiy mintaqaga kiruvchi jami 14 jamoa jami to'rt guruhga bo'lingan holda 1-saralash bosqichida ishtirok etadilar. Guruh g'oliblari OCH final bosqichiga yo'llanmani qo'lga kiritadilar. 2013 yili o'tkazilgan U-19 Osiyo CHempionatida dastlabki to'rt o'rinni egallagan terma jamoa (Janubiy Koreya, KXDR, Xitoy, Yaponiya), 2015 yilgi Osiyo CHempionati final bosqichiga saralash o'yinlarisiz yo'llanmani qo'lga kiritgan.

Malumot o'rnida, har ikkala yosh toifasidagi OCH-2015 final bosqichi o'yinlari mezbonlari OFK tomonidan keyinroq tasdiqlanadi.