"Aston Villa" mavsum oxirida "Chelsi" hujumchisini sotib olishga tayyor

U hozirgi mavsum oxirigacha ijara asosida "Bavariya"da o'ynamoqda. Myunxen klubi Jeksonni saqlab qolishni xohlamaydi va ijarani uzaytirmaydi, deb xabar berdi insayder Ekrem Konur o'zining X (sobiq Twitter) sahifasida.

Mavsum tugagach, Jekson "Chelsi"ga qaytadi, lekin klub murabbiylar shtabi uni rejalarida ko'rmaydi va u yana yangi klub izlashiga to'g'ri keladi. Shu vaziyatda "Aston Villa" hujumchiga shartnoma taklif qilishga va yozda londonliklar bilan transfer bo'yicha muzokaralar o'tkazishga tayyor.

Nikolas Jekson 2023 yilda "Vilyarreal"dan 37 million evro evaziga "Chelsi"ga o'tgan edi, lekin asosiy tarkibda o'rin ololmadi. Klubda o'tgan vaqtida u 81 o'yinda 30 gol urib, 12 ta golli uzatma bergan. Transfermarkt malumotlariga ko'ra, hozirgi bozor qiymati 45 million evroni tashkil etadi.