Asror Aliqulov: "Muxlislarning bunday bosimi ostida futbol o'ynash oson emas"

O'yin haqida

- Birinchi navbatdagi bunday atmosfera namoyish etayotgan muxlislar qarshisida futbol o'ynash katta zavq bag'ishlaydi. Futbolchilarning ham katta kuchi shunda. Jamoamiz futbolchilari bu bosimni engib o'tish uchun harakat qildik. Ikkinchi bo'limda o'yinga qo'sha oldik. Mezbonlar hujumlariga qarshi tura oldik, vaziyatlarni tenglashtirdik. Futbolchilarga etirozim yo'q, bugun ular borlarini berishdi. 

- "Paxtakor"ga qarshi yirik mag'lubiyatdan so'ng futbolchilarni bugungi o'yinga tayyorlash qanday kechdi?

- Oson bo'lmadi albatta. Juda qiynaldik, to'g'risini aytganda o'sha mag'lubiyat bosimidan xatto biz murabbiylar shtabi chiqib ulgurganimiz yo'q. O'sha o'yindan keyin Andijonda o'ynash yanada qiyin bo'ldi. O'tib bo'lgan o'yinni yoddan chiqardik, etiborni "Andijon" bilan o'yinga etibor qaratdik.

- Bugun nima uchun jamoaning asosiy tajribali futbolchilari birinchi bo'limda maydonga tushirilmadi?

- Pro-ligadan birdaniga Superligaga kirishib ketish oson emas. Xumoyun Murtozaev hozirda shunga intilayapti, borini berib harakat qilayapti. Jamoani oldinga etaklash uchun urinayapti. Superligada hozir oson emas.