Asror Aliqulov: "Ikkinchi bo'limda zaxiradan maydonga tushgan futbolchilarimiz o'yinni kuchaytira olishdi"

"Aytishim mumkinki, o'yin muxlislarbop va qiziqarli o'tdi. Birinchi bo'limda o'ylagan rejalarimizni amalga oshira olmadik. Futbolchilar o'yinga kirishib ketishga qiynalishdi. Standart vaziyatdan to'p o'tkazib yubordik. Ikkinchi bo'limda zaxiradan maydonga tushgan futbolchilarimiz o'yinni kuchaytira olishdi. Qizil kartochka "Lokomotiv"ga tasir qildi. Etarlicha vaziyat yaratdik va yakunda g'alaba qozondik", - dedi Asror Aliqulov. 

- Birinchi bo'limdagi o'zgarish majburiy amalga oshirildimi yoki taktika edimi?
- "Lokomotiv"ning kuchli tomoni yarim himoya. Himoyachilari ham to'p bilan muomala qila oladi. Biz bir himoyachini tayanch zonasiga qo'ydik. Lekin bu o'zini oqlamadi. Qiyinchilikka duch keldi. Uning o'rniga tushgan yarim himoyachilar o'zini yaxshi his qildi. Futbolchilarimiz o'zida kuch topishdi. Buni oldindan o'ylangan, deb aytmagan bo'lardim.

- "Lokomotiv"ni yutgan jamoadan muxlislar yanada ko'prog'ini talab qiladi. Navbatdagi uchrashuvlarga tayyorgarlik uchun reja ishlab chiqilganmi?
- Suniy maydonda o'ynaymiz. Ayrim futbolchilarimizning sog'lig'ini o'ylab tavakkal qila olmaymiz. Futbolchilarning holati va raqibni hisobga olib, shunga mos futbolchilarni olib ketamiz.