Asror Aliqulov: "Bunday o'yinlarda xatolar kechirilmaydi"

O'yin haqida

- Bugungi o'yin qiyin o'tishi avvaldan malum edi. Birinchidan, Superliga yo'llanmasi uchun kurash ketsa, oson bo'lmaydi. Ikkinchidan, o'yin derbi maqomida edi, bunday bahslarda xatolar kechirilmaydi.

Yigitlarga rahmat aytaman, ular oxirigacha kurash olib borishdi. O'yin "SHo'rtan" jamoasining uzun uzatmalariga qarshi chora topa oldik. Qo'lga kiritilgan g'alaba bilan "Mashal" klubida mehnat qilayotgan barchani va jamoa muxlislarini tabriklayman.

- Sergey Petrov nega zaxirada qoldirildi? Keyin birinchi bo'lim va ikkinchi bo'lim farqli kechdi. "Mashal" aynan ikkinchi bo'limda faollikni oshirdi, buning sababi nimada?

- Petrov jarohatdan qaytgani sabab jismonan to'liq o'yinda qiynalishi mumkin. SHu jihatni hisobga olib, uni zaxiradan maydonga tushirdik. Bugungi o'yinda har ikki jamoa o'rtasida jiddiy kurash kechdi. G'alaba uchun gol urish kerak, o'yindan kelib chiqib hujumkorlikni kuchaytirib bordik.

- Qizil kartochka VAR orqali ko'rib chiqib ko'rsatildi. Bu holatga munosabatingiz qanaqa?

- To'g'ri, hakam VAR orqali kadrni ko'rgach, sariqni qizilga almashtirdi. Demak, bunga etarlicha asosi bor. Bu holatga etirozim yo'q.

- "Qo'qon-1912" bilan kechadigan navbatdagi o'yin haqida fikringiz?

- "Qo'qon-1912" kuchli jamoa. Qarshi hujumlarda juda yaxshi harakat qiladi. Biz bu o'yinda maksimal natija uchun o'ynaymiz.