Asror Aliqulov: "Bugun ikki jamoa ham ko'proq ehtiyotkorlikka etibor qaratdi"

"Bugun ikki jamoa ham ehtiyotkorlikka etibor qaratdi desam to'g'ri bo'ladi. Xatoga yo'l qo'ymaslikka harakat qilishdi. Bizning futbolchilarda qaysidir manoda bosim ham sezildi. Ikkinchi bo'limda o'ying tempiga moslashishdi. Umuman olganda durangga mos uchrashuv bo'ldi. "Buxoro"ning bo'ydor futbolchilariga moslashgan edik. Ayrim vaziyatlarda ular darvozamiz oldida xavf tug'dirishdi",- deydi Asror Aliqulov. 

- "Buxoro" asosan kuchga asoslangan va yuqoridan paslar bilan o'ynaydigan jamoa. Bunday uslubdagi jamoalarga qarshi to'p tepish qaysi tomonlama murakkablik tug'diradi? "SHo'rtan", "Aral" kabi jamoalar bilan ochiq zonalar ko'proq bo'lgandi...

- Raqibni o'rganish jarayonida ikki markaziy himoyachisini ko'rib chiqqandik. "Buxoro" darvozasi oldida golli vaziyat yaratish juda qiyin. SHunga qaramay jamoamizda vaziyatlar yuzaga keldi. Birga-bir vaziyatga chiqib bordik. Humoyunda imkoniyat bor edi. U to'g'ri qaror qabul qildi. Faqat kuch etishmadi. 

- Jamoa o'z darvozasidan hali to'p o'tkazib yuborgani yo'q va mag'lubiyatsiz ishtirokini davom ettirmoqda. Bu natijalar fonida kamchiliklar qanchalik ko'zga tashlanmoqda?

- Kamchiliklarimiz ko'p. Ikkinchi qavatda, bosh bilan o'ynashda muammolar bor. Mashg'ulotlarda ishlayapmiz. Himoyachilarimiz hujumni boshlashda biroz ishonch his qilmayapti. O'ylaymanki, yaqin kunlarda yanada yaxshiroq o'yin ko'rsatamiz. 

- Umidjon Hamroev har o'yinda muqarrar gollardan qutqarib qolmoqda. Unda o'ziga bo'lgan ishonch qanday uyg'ondi?

- "SHo'rtan"da ishlaganimda uning o'yin uslubini o'rgangandim. "Xorazm"dagi o'yinlari orqali o'zining darajasini ko'rsatgan. SHuning uchun jamoaga jalb qilganmiz. Umid o'ziga bildirilgan ishonchni oqlamoqda.