Asqar Tolibjonov: “Rejada Qatardan tashqari o'yinlar ham bor”

FIFA rasmiy saytida bu haqda xabar berilmagan bo'lsa ham, taqvimda shu o'yin bo'lib o'tishi yozib qo'yilgan. Xo'sh, chindan ham vakillarimiz Qatar bilan nazorat bahsi o'tkazishadimi? Bu savolga javob topish maqsadida Terma jamoalar markazi direktori Asqar Tolibjonovga murojaat qildik.

-   CHindan ham 6 oktyabr kuni Qatar va O'zbekiston milliy terma jamoalari o'rtasida o'rtoqlik uchrashuvi o'tkazish ko'zda tutilgan, - deydi Asqar Imomjonovich. - Lekin bu o'yin aniq bo'ladi deb aytolmayman. CHunki o'zingiz bilasiz, arablardan har narsa kutish mumkin. Ular to'satdan o'ynamaymiz yoki falonchi kuni o'ynaymiz deb turib olishlari hech gap emas. Lekin biz nazorat bahsini o'tkazish borasida harakatlarni olib boryapmiz. Bu borada barchasi rasman hal bo'lgach, albatta sizlarga malum qilamiz.
 
-   Bu o'yindan tashqari yana qanday o'rtoqlik bahslari ko'zda tutilgan?
-   Rejaga ko'ra mayda bitta, sentyabr va oktyabr oylarida ikkitadan o'rtoqlik uchrashuvi o'tkazmoqchimiz. Bir qator davlatlarga bu borada taklif yuborganmiz va hozir shularni o'rganib chiqish bilan bandmiz. Faqat rasman shartnoma tuzilmagani bois raqib jamoalar nomini oshkor qila olmayman.

-   Terma jamoamiz bu yil hisobidan Toshkentda o'rtoqlik uchrashuvi o'tkazadimi?
-   Ha. May oyida o'yin tashkil qilishni mo'ljallab turibmiz.
 
-   Agar sir bo'lmasa, kim bilan o'ynaymiz?
-   Aytganimdek, rasmiy shartnoma imzolanmaguncha raqib jamoa nomini malum qila olmayman. Hatto uchrashuv sanasini ham aytolmayman. Ertaga murabbiylar yig'ilishi bo'ladi. SHundan keyin bunga oydinlik kiritishim mumkin.
 
Xayrulla Xoliqov suhbatlashdi.