Arteta: “Uzr so'rayman”

“O'yin startidanoq o'zimizga o'xshamadik. Bu erga kelib, kurashish kerak. Duellardan g'alaba qozonish, to'p uchun kurashlarda ustun kelish, tajovuzkor bo'lish lozim va bizda bularning hech biri o'xshamadi hamda qo'shimchasiga, to'p bilan juda yomon muomala qildik.

2-taymda esa qattiq harakat qildik, 3-4 ta qulay imkoniyatga ega ham bo'ldik, raqibning birgina yarim imkoniyati darvozamizga penalti belgilanishiga sabab bo'ldi.

Tanqidni qabul qilish, qo'lni ko'tarib, klub darajasiga to'g'ri kelmaydigan o'yin uchun uzr so'rash va keyin esa munosabat bildirish vaqti keldi. Ishlar joyida bo'lganda, hamma ijobiy fikr bildirishni, qo'llab-quvvatlashni xohlaydi.

“Pelas”ni tabriklayman, chunki ular g'alabaga haqli edi. Ular doimo shunday o'ynashadi. Muxlislarimizdan kechirim so'rayman”, deydi Arteta.