"Arsenal" - MYU. Lui van Gaal ishtirokida matbuot anjumani

Agar MYU - "Arsenal" qarama-qarshiligini esga oladigan bo'lsak ushbu o'yin haliyam mana shunday ahamiyat kasb etadi deya olasizmi?
Men uchunmi yoki MYU muxlislari uchunmi? Bunday deb aytayotganimni sababi men MYU bosh murabbiyi sifatida ilk bora "Arsenal"ga qarshi o'yin o'tkazaman. Ularga qarshi faqatgina "Barselona"da ishlagan vaqtimdagina o'ynaganman. Menga "Arsenal"ning o'yin uslubi yoqadi. Qarama-qarshilikka keladigan bo'lsak - bu, sportda oddiy hol.

Safga qaytayotgan o'yinchilar borasida...
Hozir anig'ini ayta olmayman. Mashg'ulotlarga qaraymiz. (Intervyu kecha qilingan). SHaxsan mening fikrimcha, futbolchi o'yinga bir hafta davomida tayyorlanishi kerak. Lekin, ayni paytdagi holatimizda ushbu principimdan bir oz chetga chiqib turishga majburman.

So'nggi olti o'yinda faqatgina bir marotaba mag'lubiyatga uchradingiz. Futbolchilaringiz sizni nima istayotganingizni tushunib etmoqdalarmi?

Tushunishimcha, ha. Qanday uslubda o'ynatishim sir emas.  David De Xea, Maykl Karrik va Deyli Blind kabi futbolchilar terma jamoa safidan jarohat bilan qaytdilar. Ha, shuningdek Lyuk SHou ham. Di Mariya jamoa safida mashg'ulotlarni to'liq o'tkazdi. Unda barchasi joyida. SHouning o'yindagi ishtiroki esa so'roq ostida. David De Xeada esa barchasi joyida. Kerrikni esa mashg'ulotlariga qaraymiz. Blind esa maydonga tusha olmaydi.

"Arsenal"ga o'tib ishlari yurishib ketgan Danni Uelbek ham sobiq jamoasiga qarshi o'yinni intizorlik bilan kutayotgan bo'lsa kerak.

Asosiy tarkibda maydonga tushayotgan har bir futbolchi kuchayishda davom etadi. Nima demoqchi bo'layotganimni tushunyapsizmi? U har hafta maydonga tushib kuchaymoqda. U MYUda bu narsaga ishonmasdi. SHu sababli, menga ayni paytda uning harakatlarini kuzatish yoqimli bo'lmoqda.

Lekin, bu o'yinda bo'lmasa kerak...
Ha, lekin, bilasizmi? Van Persi ham vaqtida "Arsenal" futbolchisi hisoblangan. Bu futbol. Uning MYU futbolchisi sifatida "Arsenal"ga uchta gol kiritganini ham bilaman. Hayot shunday. Menga ishonavering.