"Arsenal" La Liga to'purarlaridan birini o'z safiga qo'shib olmoqchi

27 yoshli forvardga Londonning "Arsenal" klubi qiziqish bildirmoqda. "Kanonirlar" o'yinchi bilan ushbu transfer oynasida shartnoma imzolamoqchi edilar, ammo hozircha Kataloniya klubi bilan kelishuvga erishilmadi.

Londonliklar de Tomasni yarim yilga ijaraga olishmoqchi, "Espanol" esa to'laqonli transferni talab qilmoqda.

Raul joriy mavsum Ispaniya chempionati doirasidagi 21ta o'yinda maydonga tushib, 12ta gol va 2ta assist qayd etib, to'purarlar poygasida uchinchi o'rinda bormoqda.