APL. "Chelsi" va "Vest Xem" futbolchilar o'rtasidagi ommaviy mushtlashuv sabab yirik miqdorda jarimaga tortildi

Janjal qanday boshlandi?

Uchrashuvning 96-daqiqasida Adama Traore va Mark Kukurelya o'rtasidagi ziddiyatdan so'ng bir guruh futbolchilar ishtirokida mushtlashuv boshlanib ketdi. Vaziyatlarning birida Jan-Kler Todibo ikki qo'li bilan Joao Pedroning bo'ynidan bo'g'ib oldi.

O'yinning bosh hakami Entoni Teylor dastlab Traore va Pedroga sariq kartochka ko'rsatdi. Shundan so'ng u VAR hakamlarining maslahati bilan vaziyatni monitorda ko'rib chiqdi va Todiboni maydondan chetlatdi (qizil kartochka).

FA qarori va jarima miqdori:

Associaciyaning bayonotida shunday deyiladi:

"Mustaqil tartib-intizom komissiyasi 2026 yil 31 yanvar kuni Premer-liga doirasidagi o'yindagi ommaviy tartibsizlik uchun "Chelsi" va "Vest Xem Yunayted" klublarini jarimaga tortdi.

"Chelsi" o'z futbolchilarining taxminan 95-daqiqada nomaqbul va ig'vogarlik harakatlarini qilmasligini taminlay olmagani tan olindi. "Vest Xem Yunayted" ham shu vaqt ichida o'z o'yinchilarining nomaqbul, ig'vogarlik yoki tajovuzkor xatti-harakatlarining oldini olmagan.

Keyinchalik har ikki klub o'zlariga qo'yilgan ayblovlarni tan oldi. Tinglavdan so'ng komissiya "Chelsi"ga 325 000 va "Vest Xem"ga 300 000 funt sterling miqdorida jarima soldi".

APL rahbariyati maydondagi bunday tajovuzkor xatti-harakatlarga nisbatan murosasiz munosabatda bo'lishda davom etmoqda.