APL. 17-tur natijalari va musobaqa jadvali bilan tanishing
16 dek 2019 08:08
Yangiliklar

APL. 17-tur natijalari va musobaqa jadvali bilan tanishing

Angliya Premer-ligasi 17-turi deyarli ortda qoldi.

Bugun "Kristal Pelas" - "Brayton" uchrashuvi mazkur turni yopib beradi. Ortda qolgan "uik-end" qiziqarli, kutilgan va kutilmagan voqealari bilan yodda qoldi. "CHelsi"ning mag'lub bo'lishi, "Lester" o'z uyida "Norvich"ni enga olmagani qaysidir manoda sensaciya sifatida qayd etildi. "Manchester Yunayted" va "'Everton" jamoalari 1:1 hisobida durang o'ynashgan bo'lsa, "Tottenhem" so'nggi daqiqalarda "Vulverxempton" maydonida g'alabani ilib ketdi.

Turning markaziy o'yinda "Manchester Siti" yarim himoyachi Kevin de Bryuynening fantastik o'yini orqali "'Emireyts"da yirik hisobda g'alaba qozondi va "tulkilar" bilan oradagi farqni 4 ochkogacha qisqartirdi.

Ayni vaqtda "Liverpul" 49, "Lester" 39, "Manchester Siti" 35 ochko jamg'argan holda APLda kuchli uchlikni band etishgan. Keyingi o'rinlarda "uyg'onish" davrini boshidan o'tkazayotgan jamoalar: "CHelsi", "Tottenhem" va "Manchester Yunayted" borishmoqda.

"Arsenal"da ishlar yaxshi emas. Freddi Yungberg hali bunday top darajadagi klubni boshqarishga tayyor emasligi sezilib qolmoqda. Balki yaqin fursat ichida "Manchester Siti"da Pep Gvardiola yordamchisi sifatida ishlayotgan Mikel Artetani "kanonirlar" bilan shartnoma imzolaganini eshitib qolarmiz. Nima bo'lganda ham, hozir londonliklar hammasini boshidan boshlashlari uchun yaxshi bir mutaxassis topishlari lozim.

So'nggi pog'onalarda "Uotford", "Norvich", "Sautgempton" va "Aston Villa" klublari ligada jon saqlab qolish maqsadida kurash olib borishmoqda. Ular o'tkazgan o'yinlaridan ham kam ochko to'plashgan va og'ir vaziyatda turishibdi.

O'tkazilgan 17-turdan keyin "Lester" forvardi Jeymi Vardi 16 ta gol bilan to'purarlar poygasida yaqqol peshqadam bo'lib turibdi. U yaqin taqibchisi Temmi Abraxamdan "CHelsi" 5 ta golga ilgarilab ketgan. Qiziq bir malumotni aytinb o'tish kerak, 17-turda Vardiga Fantasy Premier League da juda ko'pchilik ishonch bildirishgandi (105 000 dan ko'p inson uch karra sardor, yani gol urganda 3 barobar ko'p ochko beradigan "rejim"ida Vardini tanlashgandi). CHunki, Vardi 9-turdan beri ketma-ket gollar urib juda muhim ochkolarini taqdim etgan. Qatorasiga 8 o'yinda 11 ta gol va 4 ta assist qayd etgan futbolchiga kim ishonch bildirmasligi mumkin?

Assistlar bo'yicha "Manchester Siti" azosi Kevin de Bryuyne peshqadam — 10 ta assist. Ikkinchi o'rinda Son Xyon Min (7 ta) borayotgan bo'lsa, kuchli uchlikdan 6 tadan muvaffaqiyatli uzatma bergan Aleksandr-Arnold va David Silvalar o'rin olishgan.