Anvar Rajabov: "Jamoaga nima bo'layotganiga men ham hayronman"

Jamoa 8-turdan keyin 4 ochko jamg'arib turnir jadvalida 13-o'rinni egallab turibdi. Tabiiyki bu mahalliy ishqibozlarga yoqmayapti. Yaqinda "Navbahor" maydoniga safar uyushtirgan "burgutlar" derbida yirik (0:3) hisobda mag'lub bo'lib qaytdi. Uchrashuvdan so'ng andijonliklar hujumchisi Anvar Rajabov bilan suhbatlashdik.

- Ochig'i, jamoaga nima bo'layotganiga men ham tushunmayapman, - deya gap boshladi 26 yoshli futbolchi. - Har bir o'yinga tayyorgarlik ko'ngildagidek bo'lmoqda. Lekin negadir natija ijobiy kechmayapti. Navbahor bilan o'yinga keladigan bo'lsak, asosiy tarkibning 3-4 ta azosi jarohat tufayli maydonga tusha olmadi. Qolaversa uchrashuvda 2ta himoyachimiz almashtirildi. SHu kuni namanganliklarning g'alabaga bo'lgan ishtiyoq yuqori bo'lgani uchun yutdi deb hisoblayman. Bizda ham ishtiyoq bor, lekin boya aytganimdek omadimiz kelmayapti.

- Namangandagi uchrashuvda birgina meni emas, butun jamoani o'yini chiqmadi.

- Umid qilamanki, "Andijon" oliy ligadan tushib ketmaydi. Hammasi yaxshi bo'lishiga ishonamiz, - deydi Anvar Rajabov.