Anvar Berdiev: "Bu yil Pro ligada o'tkinchi o'yinlar bo'lmaydi"

"O'yin juda qiyin bo'ldi. "Dinamo" o'tgan turda mag'lubiyatga uchragani uchun biz bilan o'yinda hujum qilishini va ko'proq oldinga chiqishini bilgandik. Bizga omad kulib boqdi desak ham bo'ladi. Bollarni g'alaba bilan tabriklayman. "Dinamo" jamoasiga ham yaxshi o'yin uchun rahmat aytib qolaman. Keyingi o'yinlarda ularga omad tilab qolaman.

Futbolda har doim har qanday holatga tayyor bo'lish kerak. Kubokda bu jamoaga yutqazganimizdan keyin "Dinamo" jamoasini o'yinlarini tahlil qildik. Bollarga kerakli ko'rsatmalarni berdik. Ular bergan ko'rsatmalarimizni to'liq bajarishdi. Menmcha, hozirda qaysi jamoa to'liq tayyor bo'lib maydonga tushsa g'alaba qozonishi mumkin.

Bu yil ham maqsadimiz o'zgarmagan. Superligaga chiqish va har bir o'yinda g'alaba qozonish. Ko'ryapsiz, bu yil Pro ligada o'tkinchi o'yinlar yo'q. Qiziqarli kurash kechmoqda. Superliga yo'llanmasi uchun barcha oxirigacha kurashdi.

"Istiqlol" jamoasi asosan himoyadan o'yin qiladi. Uyimizda o'tkazilgan kubok o'yinidan keyin "Dinamo"ni yaxshilab o'rganib chiqqandik. Bugungi o'yinga qo'llagan taktikamiz ish berdi deb o'ylayman",- deydi Anvar Berdiev.