Anri Rafinyani "Oltin to'p" uchun kurashda asosiy favorit deb hisoblamoqda

"Rafinya hozir men uchun hammadan oldinda. U Chempionlar Ligasida 11 ta gol urdi. Muhammad Saloh - katta nomzod, Keyn - nomzod, Dembele - ehtimol. U haqda biroz ko'proq gapirishimiz kerak. To'laqonli hujumchi bo'lganingda, himoyachilarga yordam berishni va yaxshi pressing qilishni ham bilishing kerak. Sen qilishing kerak bo'lgan ko'plab ishlar bor va Rafinya bularning barchasini amalga oshiradi", - dedi francuz.

Rafinya joriy mavsum barcha musobaqalarda 41 ta o'yin o'tkazib, 27 ta gol urdi va 19 ta golli uzatmani amalga oshirdi. Uning kataloniyaliklar bilan amaldagi shartnomasi 2027 yilning iyun oyi oxirigacha mo'ljallangan. Transfermarkt portali 28 yoshli braziliyalik futbolchining narxini 80 million evroga baholamoqda.