Angliya Liga kubogi. "Manchester Siti" "Arsenal"ni mag'lub etdi, Husanov Angliyadagi ilk sovrinini yutdi!

"Arsenal" – "Manchester Siti" 0:2

Gollar: 60, 64 - Niko O'Rayli

"Arsenal": 13. Kepa Arrisabalaga, 4. Ben Uayt (9. Gabriel Jezus, 82'), 2. Vilyam Saliba, 6. Gabriel Magalyayns, 5. Pero Inkape (33. Rikkardo Kalafori, 65'), 36. Martin Subimendi, 41. Deklan Rays, 19. Leandro Trossard (11. Gabriel Martinelli, 82'), 7. Bukayo Saka, 14. Viktor Yokeresh, 29. Kay Xaverc (20. Noni Madueke, 65').

Zaxira: 1. David Rayya, 3. Kristyan Moskera, 49. Maylz Lyuis-Skelli, 16. Kristian Nyorgor, 56. Maks Doumen.

"Manchester Siti": 1. Jeyms Trafford, 27. Mateus Nunes, 45. Abduqodir Husanov, 33. Niko O'Rayli, 6. Natan Ake, 20. Bernardu Silva, 16. Rodri, 11. Jeremi Doku, 10. Rayan Sherki (47. Fil Foden, 90+1'), 9. Erling Holand, 42. Antuan Semeno.

Zaxira: 25. Janluiji Donnarumma, 5. Jon Stounz, 21. Rayan Ait-Nuri, 4. Teyani Reynders, 7. Omar Marmush, 8. Mateo Kovachich, 14. Niko Gonsales, 26. Savio.

Ogohlantirishlar: 16 - Pero Inkape, 32 - Abduqodir Husanov, 51 - Kepa Arrisabalaga. 69 - Ben Uayt

90+4. O'yin yakunlandi! Abduqodir Husanov "Man Siti" safidagi ilk sovrinini qo'lga kiritdi!

90. O'yinning asosiy vaqtiga 4 daqiqa qo'shib berildi.

90. Doku uzoqdan kuchli zarba berdi, ammo noaniq bo'ldi.

88. Zo'r vaziyat londonliklarda, darvoza to'sini qaytarib qoldi...

84. "Arsenal" yana o'zgarishlar qildi, himoyachini olib tashlab, hujumchini jangga tashladi Arteta.

78. Yana zarba Kalaforidan! To'p darvoza ustiniga tegib maydondan chiqib ketdi... 

77. "To'pchilar" faollashdi, hujumga yo'l izlashmoqda.

73. Raysning uzatmasidan so'ng Kalafori to'pni darvozaga yo'lladi, Trafford o'z o'rnida!

72. Madueke yaxshi kirishib ketdi o'yinga, jarima zarbasi ishlab oldi.

65. Bilasizmi, "Siti" shundoq ham tashabbusni qo'liga olib bo'lgandi. "Arsenal" esa birinchi goldan keyin o'zgarishlar tayyorlayotgandi. Endi nima qiladi ular?

64. GOL! O'Raylidan dubl! Bu safar ham o'ngdan hujum, bu safar ham bosh bilan! Rodri Nuneshni oldinga boshladi, uning havolatib uzatgan to'pini Niko darvozaga joylab qo'ydi!

61. O'zi golning hidi kelib qolgandida. Buyog'iga temp yuqori bo'lishi aniq, Arteta o'z ustoziga yutqazishni istamasligi aniq!

60. GOL! Kepa "Man Siti"ga gol "sovg'a qildi"!  Sherki o'ngdan havolatib to'pni uzatdi, Arrisabalaga to'pgi ushlab olmoqchi edi, biroq to'pni chiqarib yubordi, O'Rayli esa bo'sh qolgan darvozani ishg'ol qildi!

59. Saliba va Gabriel zo'r o'ynayapti. Holand katta tezlikda oldinga o'tayotganda Salibani aldamoqchi bo'ldi, ammo Vilyam to'pni hujumchidan "ilib oldi".

58. Sherki yaxshi nuqtadan tepdi va yana "Arsenal" himoyachilari qaytarmoqda! Kepaga ish qolmayapti bugun...

57. Semenodan zarba yana va bu safar ham noaniq.

55. "Man Siti" hujumda, dastlab Doku havolatib to'pni Holandga uzatdi, Erlinggacha to'p kelmadi, ikkinchi tempda davom etdi, Rodri darvoza tomon zarba berdi, bu safar ham "Arsenal" himoyachilari qaytardi.

52. Semenoning jarima zarbasidan tepgan to'pi juda noaniq bo'ldi.

50. Doku o'ziga uzatilgan to'pga intilib yurish qildi, darvozadan Kepa chiqib keldi, jarima maydonchasi tashqarisida bo'lgani uchun u Jeremini tortib qoldi va jarima zarbasi belgilandi. Kepaga esa sariq!

48. Sherki himoyachilardan o'tkazib to'pni Holandga uzatdi, ammo norvegiyalik hujumchiga imkoniyat berishmadi.

46. Ikkinchi bo'lim boshlandi.

Dastlabki bo'limdan keyingi statistika:

To'p nazorati - 39% - 61%

Jami zarbalar - 5 - 2

Aniq zarbalar - 3 - 0

Burchak zarbalar - 2 - 3

Uzatmalar aniqligi - 73% - 89%

Seyvlar - 0 - 3

45+1. Birinchi bo'lim yakunlandi.

45. Birinchi bo'limga 1 daqiqa qo'shib berildi.

45. Semeno havolatib to'pni Holandga uzatdi, Erlingning zarbasi esa noaniq bo'ldi...

43. Doku katta tezlikda oldinga yurish qildi, Saliba esa xavfni bartaraf etdi.

38. Inkapening bosh bilan bergan zarbasi noaniq bo'ldi.

33. "Siti" himoyachilariga bugun oson bo'lmayapti, "to'pchilar" hujumchilari faol ancha.

32. Abduqodir Husanov Yokereshga nisbatan ishlatgan qo'polligi uchun sariq kartochka oldi.

26. "Man Siti" nihoyat oldinga o'tmoqda. Semeno yurish qildi, himoyachilar qaytardi.

19. O'yin "qizimoq"da, yakka kurashlar ko'p. Lekin "Arsenal"ning xavfli vaziyatidan boshqa aytarli holat ko'rmadik.

13. Trossardan zarbasi rekoshetga uchrab, maydondan chiqib ketdi. "Arsenal"da burchak zarbasi...

11. Takidlash lozim, hozircha "kanonirlar" ustunlikka ega bo'lib turibdi.

7. Zo'r vaziyat "Arsenal"da! Dastlab, Xavercning zarbasini Jeyms qaytardi, undan so'ng yana ikki zarba berildi va bular ham bartaraf etildi!

5. Yokeresh tezlikda oldinga o'tdi, o'tkir burchakdan to'pni markazroqqa uzatdi, Husanov qaytarib yubordi.

2. O'yin kurashlar bilan boshlandi. Ikki jamoa ham markazda faol.

1. O'yin boshlandi!

- Assalomu alaykum qadrli futbol ixlosmandlari! Sizlarni Angliya liga kubogi finali - "Arsenal" – "Manchester Siti" uchrashuvining matnli translyaciyasini kuzatib borishga taklif etamiz!