Andrey Miklyaev: "Bizni ketma-ket ikkita o'ta muhim bahs kutmoqda"

- Qiyin o'yin o'tkazdik. Raqib bugun bizga yaxshi kurash taklif etdi. Birinchi bo'limda 2-3ta yaxshigina vaziyatdan foydalana olmadik. "SHo'rtan"da ham imkoniyatlar paydo bo'lgandi. Ignatiy Nesterov standart vaziyatidan keyin jamoamizni muqarrar goldan qutqarib qoldi. Jamoamiz bugun o'ynamadi, shunchaki vaziyatlarni golga aylantirishda bizga omad etishmadi. Blessing nega ko'rinmayapti? Vaqti kelsa uni ham maydonda ko'rasizlar. Hozircha esa bunga fursat tegmadi. Bugun ham uni maydonga tushirmoqchi edik. Lekin kutilmagan o'zgarishlarga qo'l urishga to'g'ri keldi.

Bizni oldinda ikkita juda muhim uchrashuvlar kutmoqda. Dastlab "Nasaf"ga boramiz, keyin "Paxtakor" bilan kuch sinashamiz. Hozirda ikkala raqib ham birdek bezovta qilmoqda. Ularni orasida qaysinidir kuchli yoki kuchsiz, deya olmayman.

Ha, bugun "Paxtakor" vakillari bizni o'rganish uchun tashrif buyurishdi. Ertaga bizning ham tasvirchi Bekobodga borishi mumkin. Biz ham allaqachon "Paxtakor"ni o'rganish ishlarini boshlab yuborganmiz.

Murod Bobojonov bugun nega qaydnomaga kiritilmadi? CHunki hujumchi mashg'ulotlarda jarohat oldi. SHu boisdan ham bugun uning xizmatlaridan foydalana olmadik.