“Andijon” – “So'g'diyona” jamoalari o'rtasidagi uchrashuv arafasida...

Uchrashuvga bo'lgan qiziqish juda yuqori. Sababi, “Andijon” ikkinchi davrani muvaffaqiyatli boshladi, biroq, so'nggi ikki turdagi mag'lubiyatlar muxlislarni xafa qilgani bor gap. Qolaversa, bugun “Andijon” o'z muxlislari qarshisida o'ynaydi va ularni xursand qilish uchun maydonga tushishi aniq.

Jizzaxning “So'g'diyona” jamoasini ikkinchi davrada to'htatib bo'lmayapti. Ulug'bek Baqoev boshchiligidagi jamoa ikkinchi davrada beshta uchrashuv o'tkazib, shularning 4tasini g'alaba bilan yakunlagan bo'lsa, safarda “Buxoro” jamoasi bilan durang o'ynadi. Ko'rib turganingizdek, “So'g'diyona” “avjiga” chiqqan payt.

“Andijon” hamda “So'g'diyona” jamoalarning ikkinchi davradagi uchrashuvlari:
“Andijon” – “Buxoro” 2:0
AGMK – “Andijon” 2:2
“Metallurg” – “Andijon” 0:2
“Andijon” – “Navbahor” 0:1
“Paxtakor” – “Andijon” 5:1

“So'g'diyona” – “Lokomotiv” 1:0
“Qo'qon-1912” – “So'g'diyona” 1:2
“So'g'diyona” – “Qizilqum” 1:0
“Buxoro” – “So'g'diyona” 1:1
“So'g'diyona” – AGMK 1:0

“Andijon” – “So'g'diyona” jamoalarining so'nggi beshta mavsumdagi o'zaro uchrashuvlari:
Bugungi jamoalar 2011 yilgi mavsumdan shu kungacha o'zaro 9 marotaba bahs olib borishdi. O'tkazilgan 9 uchrashuvning to'rttasida “Andijon” jamoasining qo'li baland kelgan bo'lsa, jizzaxliklar ham 4 ta uchrashuvda g'olib bo'lishgan. Atigi bitta uchrashuvda jamoalar murosa ko'chasini tanlashgan.
Joriy mavsumning birinchi davrasidagi o'yini Jizzaxda bo'lib o'tgandi va o'shanda himoyadagi xatolar evaziga "Andijon" 1:2 hisobida alamli mag'lubiyatga uchragandi.

2011 yil:
“Andijon” - “So'g'diyona” 2:1
“So'g'diyona” – “Andijon” 1:1
2014 yil:
“Andijon” - “So'g'diyona” 1:2
“So'g'diyona” – “Andijon” 1:0
2015 yil:
“Andijon” - “So'g'diyona” 3:2
“So'g'diyona” – “Andijon” 1:2
2016 yil:
“Andijon” - “So'g'diyona” 3:0
“So'g'diyona” – “Andijon” 1:0
2019 yil:
“So'g'diyona” – “Andijon” 2:1
“Andijon” - “So'g'diyona” ?:?

Uchrashuvni Zokir Qodirov boshqarib boradi
Bugungi uchrashuvni boshqarish vazifasi navoiylik Zokir Qodirovga yuklatilgan. Joriy mavsumda 13 ta uchrashuvni boshqargan Qodirov “Andijon”ning bitta, “So'g'diyona”ning uchta o'yinida bosh hakamlik qilgan. Zokir Qodirovga qanotlarda Ruslan Samandarov va Rasul Fozilovlar yordam berib borishadi.

Uchrashuv “Sport” telekanali orqali jonli efirda namoyish etiladi
“Andijon” – “So'g'diyona” jamoalari o'rtasidagi bahs soat 18:00dan etiboran O'zbekiston milliy teleradiokompaniyasining “Sport” telekanali orqali efirga uzatiladi. Uchrashuvni sport sharhlovchisi Xayrulla Hamidov sharhlab boradi.

Andijon

Superliga. 19-tur 13/09/2019, 18:00 0 : 0 Tugadi

So'g'diyona

45'

90'

30'  Farhod Bekmurodov

61'  Farhod Bekmurodov (Shahzod Ubaydullayev)

71'  Sardor Azimov (Qahramon Bahodirov)

82'  Farhod Mirahmatov

86'  Ro’zimboy Ahmedov (Abdullo Olimov)

46'  Ivan Nagayev (Nuriddin Hasanov)

63'  SHahboz Jo'rabekov

65'  Jasur Hasanov O (Muhammadanas Hasanov)

90'  Jamshid Boltaboev (Sanjar Rashidov)

Match-senterda ochish