"Andijon": "Obod"ga qarshi o'yinga tayyorgarlik davom etmoqda

“Bunyodkor”ga qarshi bahsdan so'ng futbolchilarga bir necha kunlik tatil berilgandi va rejaga ko'ra seshanba kunidan jamoa azolari klub qarorgohida yig'ilib, mashg'ulotlarga kirishdi.

Bugun “Andijon” sinov-nazorat uchrashuvida maydonga tushdi. Raqib Farg'onaning “Neftchi” jamoasi bo'ldi. Ushbu o'yin orqali murabbiylar tarkibdagi futbolchilarni navbatdagi rasmiy va shu bilan birga muhim bahs oldidan imkoniyatlarini ko'zdan kechirib oldi.

Farg'ona shahridagi Kirguli mavzesida joylashgan “Neftchi SK” stadionida kechgan bahsda nursiz durang qayd etildi. Mazkur uchrashuvda murabbiylar o'rinbosarlar tarkibida o'zini ijobiy tomondan ko'rsatishga erishgan Artur Mamatkazin, SHoxruh Ergashev, Jahongir Maqsudov hamda Abror Komilovga ham imkoniyat berib, sinovdan o'tkazdi.

Ertadan yana mashg'ulotlar davom etadi va “Obod”ga qarshi bahsga so'nggi tayyorgarlik ishlari olib boriladi.