Anchelotti g'alabadan so'ng: "3 ta to'p farqiga ega bo'lganimiz uchun o'yinni kuchaytirmadik"

"Biz yaxshi o'ynadik va barchasini uddalay oldik deb o'ylayman. Faqat himoyaga o'tirib olmadik va to'p bilan yaxshi muomala qilishga harakat qildik. Yaxshi imkoniyatlarimiz bo'ldi, himoyada ham yaxshi o'ynadik. Aynan shunday o'yin ko'rsatmoqchi edik. 

Yuqori pressing ularga qimmatga tushdi. Modrich va Kroos bunday o'yinlarda juda yaxshi harakat qilishadi.

Jamoa menga yoqdi. Uchta gol bilan ustunlikka ega bo'lganimiz uchun o'yinni yanada kuchaytirganimiz yo'q. 

Kech almashtirishlar haqida

"Jamoada barchasi joyida edi, ammo bu o'zgarishlar shunchaki almashtirish uchun edi. Men o'yin oxirini biroz cho'zish uchun almashtirishlarni istadim. Biz har bir daqiqada yaxshi o'ynadik. Tavakkal qilmadik. Mamnunmiz", - dedi Anchelotti.