Allegri: “Yuventus” chempionlik uchun kurashayotgani yo'q”

“Bugungi harakatlarimiz “Lacio”, “Fiorentina” va “Milan”ga qarshi o'yinlarimizga o'xshardi. Yaratgan imkoniyatlarimizdan foydalana olmayapmiz. “Atalanta” xato qilganimizdan keyingina darvozamizga atigi bitta zarba berdi. Ammo gol bu gol.

Qandaydir xavotir bor, futbolchilar shoshib o'ynamoqda, ammo o'yinimiz ustida ishlashda davom etishimiz kerak, o'zimizga bo'lgan ishonchni qaytarish va xotirjam bo'lishimiz uchun bahslarda g'alaba qozonishga harakat qilishimiz lozim.

Mavsum oldidan odamlar bizda kuchli jamoa borligi va Skudettoni oson qo'lga kiritishimizni aytishgandi, men esa bunga ishonmaslik kerakligini bilardim. Biz kuchli to'rtlik uchun kurashmoqdamiz.

Bugungi o'yindan keyin esa shogirdlarimga etiroz bildirolmayman, ular qo'llab-quvvatlashim va qilgan mehnati uchun maqtashim mumkin, qolgani sizning ishingiz, gap-so'zlar orqali kun kechirayotganlar”, deydi Allegri.