Allegri: "Pogba katta masuliyatni o'z bo'yniga olishni istadi"

"Jamoamiz ayni paytda jismoniy jihatdan yaxshi holatda. So'nggi to'rt yil ichida "Yuventus" ko'plab sovrinlarni qo'lga kiritdi. Lekin endi hammasini boshqattan boshlash kerak. Bir qator yoshlar tarkibga kelib qo'shilgan kishini quvontiradi. Jamoaning o'zagi avvalgidek saqlanib qolgan. "Yuventus"ni tark etgan barcha futbolchilar o'zlari ketishni istashdi. Transfer bozori? Hozir bu haqida emas, o'yin borasida bosh qotirmoqdamiz. Mavsumni sovrin bilan boshlash yoqimli bo'ladi. Bizda ajoyib hujum chizig'i tashkil bo'lgan. Kim maydonga chiqishi muhim emas. Har qanday g'olatda ham menga zaxiradan yangi futbolchini tushirib, o'yinni kuchaytira olish varianti saqlanib qoladi. Pogba o'zi 10-raqamda o'ynashni istadi va bu raqamni o'zi so'rab oldi. Pol katta masuliyatni o'z bo'yniga olish istagini bildirdi. Bu raqamda o'ynash qo'shimcha masuliyat yuklaydi", - deydi Allegri.


Eslatib o'tamiz, Italiya superkubogi uchun bo'ladigan "Yuventus" - "Lacio" bahsi bugun Toshkent vaqti bilan 17:00da boshlanadi.