Allaniyazov oliy liga-2015da ilk golini kiritdi

Etiborli tomoni, bu hujumchi joriy mavsumda oliy ligada  ilk marta asosiy tarkibda maydonga chiqib, o'zining ilk golini kiritdi. O'tgan turda Azamat “Andijon” – “Nasaf” bellashuvida 69-daqiqada maydonga tushib, Oliy liga-2015da debyut uchrashuvini o'tkazgan edi.  Azamat o'tgan yilgi mavsumning ikkinchi yarmida jarohat olganligi bois, Oliy liga-2015 da birinchi davrani o'tkazib yuborishga majbur bo'lgandi.

“Nasaf” – “Olmaliq” uchrashuvdan keyin futbolchining o'yin haqidagi fikrlari bilan qiziqdik.

-Murabbiyimizning o'yindan oldin bergan ko'rsatmalarini bajara oldik, deb o'ylayman. “Olmaliq” jamoasining barcha jihatlarini nazariy mashg'ulotlarda o'rganib chiqqandik. SHunga yarasha tayyorgarlik ko'rdik va g'alaba qozondik. Gol urishni astoydil hoxlagandi va bunga erishdik. O'sha vaziyatda to'p menga juda yaxshi vaziyatda oshirildi va gol urmasam bo'lmasdi.Keyingi uchrashuvni kubok doirasida “Lokomotiv” bilan o'tkazamiz. Raqib jiddiy. Lekin biz g'alaba uchun maydonga tushamiz, deydi Allaniyazov.