Alirizo Beyranvand: "Persepolis" uchun 700,000 dollardan voz kechdim, ammo klub menga nisbatan hurmatsizlik qildi"

Lekin ushbu marosimga jamoaning sobiq darvozaboni Alirizo Beyranvand taklif etilmadi. Malumki, Beyranvand Eron chempionati yakunida "Persepolis"ni tark etib, Belgiyaning "Royal Antverp" jamoasi bilan shartnoma tuzdi. 

Taqdirlash marosimida qatnasha olmagan 27 yoshli darvozabon intervyu berib ichidagi gaplarni oshkor qildi:

- "Avvalo shuni aytishim kerak, "Persepolis"dagi faoliyat men uchun unutilmas bo'ldi. Men bu jamoada ko'p yillar o'ynashni maqsad qilgandim, biroq vaziyat shunday bo'lib qoldi. Jahon chempionatidan keyin ko'p klublardan taklif tushdi, ammo "Persepolis"da qolishni maqul ko'rdim".

- "Hatto o'tgan yil Osiyo Kubogidan keyin ham jamoani tark etishim mumkin edi. Lekin baribir qolib yordam berishni maqul topdim. Men hatto klub menga to'lashi kerak bo'lgan 700,000 dollardan voz kechdim, chunki oldingi murabbiylardan qarzdorlik ko'p edi va shu bilan klubga yordam bermoqchi bo'ldim".

- "O'tgan to'rt yil ichida "Persepolis" bilan 8ta sovrinni qo'lga kiritdim. Lekin 7 avgust kuni o'tkazilgan taqdirlash marosimiga taklif etilmaganim meni qattiq ranjitdi. Klub hattoki karantindan keyin umuman jamoaga qaytmagan legioner Entoni Stokesni chaqirdi, ammo meni yo'q. Telefon qilib so'raganimda uzr, senga medal etmay qoldi deyishdi. Ochig'i, juda xafaman. Bu o'rinda pul va boshqa narsaning ahamiyati yo'q. SHunchaki etiborsizlik qilishgani qattiq ranjitdi, klub menga hurmatsizlik qildi. O'ylaymanki, keyinchalik boshqa futbolchilar bilan bunday hol bo'lmaydi".