Ali Al Habsi: “Pol Le Guen o'yinchilarning o'z kuchiga bo'lgan ishonchini oshirdi”

Bilasiz, bu jamoani 2011 yilning yozidan beri franciyalik mutaxassis Pol Le Guen boshqarmoqda. Xo'sh, o'z vaqtida “Lion” bilan ketma-ket uch marta Franciya chempionligini qo'lga kiritgan murabbiy kelganidan so'ng terma jamoada nima o'zgardi? Bu savolga javob olish maqsadida Ummonning eng mashhur futbolchisi, Angliyaning “Uigan” klubi darvozaboni Ali Al Habsiga yuzlandik.

“Pol Le Guen - evropalik mutaxassis. U ko'plab katta o'yinlarni ko'rgan va kuchli jamoalarda ishlagan. Mana deyarli uch yildan beri terma jamoamizni boshqarib kelmoqda. Pol Le Guen kelganidan so'ng nima o'zgardi? Murabbiy avvalo terma jamoaga yoshlarni taklif qildi va futbolchilarning o'z kuchiga bo'lgan ishonchini oshirish uchun astoydil ishladi”.

“Terma jamoamizning jahon va Osiyo chempionati saralash bosqichlarida muvaffaqiyatli ishtirok etishini taminladi. Menimcha, bu murabbiy bilan Avstraliyadagi Osiyo Kubogida guruhdan chiqa olamiz. Pol Le guen bizga doim yaxshi o'ynashimiz kerakligini aytadi, u har bir futbolchining imkoniyatlarini biladi”, - deydi “Uigan” klubini himoya qilayotgan Ali Al Habsi.

X.Xoliqov.