Aleksandr Volkov: "Ertaga hujum qilishga majburmiz"

"Biz ertangi o'yinga yaxshi tayyorlandik. Guruh jadvaliga qaramagan holda o'ynaymiz. Vazifamiz g'alaba qozonish. OFK OCHLga kvotalar berish tizimini o'zgartirganini bilasizlar. Biz o'zimiz uchun ham O'zbekiston klublari uchun ham ochko olishimiz shart", - deydi Aleksandr Volkov.

"Ertaga qiyin bo'ladi. Muxlislarimizni xursand qilish uchun bor kuchimiz bilan o'ynaymiz. Stadionlarga muxlislarni qaytarish uchun g'alaba qozonish kerak", - deydi Oleg Zoteev.

- "Al-Fath"ga qarshi o'yinda biz hujum qilishga majburmiz va hujum qilamiz ham. Raqib qiziqarli jamoa, ular taktikani tezda o'zgartira oladi.

- Yangi futbolchilar haqida nima deya olaman? Koto juda erta jarohat oldi, endi-endi o'zbek futboliga moslashayotganida kutilmagan jarohatni orttirib oldi. Simonenko esa qishki yig'inlarda o'zini juda yaxshi ko'rsatgandi. Biroq rasmiy o'yinlarda tan olish kerak qandaydir moslashish jarayoni tufayli yaxshi o'ynay olmadi. Koto bilan 2 yillik, Simonenko bilan 1 yillik shartnoma tuzganmiz.

- Di Matteo "CHelsi"da yordamchi bo'lib keyin bosh murabbiy bo'lganidan so'ng ECHLda g'olib chiqqandi? Buni yaratgan biladi. Lekin bizda juda kichik imkoniyat bo'lsa ham undan foydalana olishga urinamiz.

Oleg Zoteev: - OCHLdagi muvaffaqiyatsizlikka o'zimiz yo'l qo'ygan kichik xatolar sabab bo'ldi. Eronda yaxshi o'ynadik, ammo birgina xato tufayli gol o'tkazib yubordik.

- "Bunyodkor" safida avlodlar almashinuvi sodir bo'lganidan xabaringiz bor. Qishda tarkibni 7 nafar futbolchi tark etdi. Ularni o'rnini yoshlar bilan to'ldirishga urindik. SHu bois bu yoshlar tajriba orttirib keyingi yil bundan ham yaxshi o'ynay olishadi.

- "Al Fath" safida 5 (Jemal Ammar), 8 (Hussayin Al Moqahvi), 9 (Doris Salomo) va 77 (Elton) raqamdagi futbolchilarni ajratib ko'rsata olaman.   

- Akademiyamizda juda kuchli avold etishib chiqmoqda. Lekin yana biroz kutish kerak. 3-5 yildan so'ng tarkibimiz akademiyada tahsil olgan kuchli futbolchilardan iborat bo'ladi.